«Сәләт» профильле укыту-сәламәтләндерү сменасы үз эшен дәвам итә. Бу көннәрдә  "Сәләт” аланында кызу "урак өсте" бара. Балалар 7 июльдән 12 июльгә кадәр Биләрдә узачак "Сәләт" яшьләр форумына әзерләнәләр: КВН, “Нәрсә? Кайда? Кайчан?” уеннарына әзерлек, спорт ярышлары буенча тренировкалар, биюләр – җырларга репетициялар...  Биләр җирендә уздырыла торган бу форум республикадагы меңләгән талантлы балалар һәм студентларның даими җыелу урыны булып тора. Нәкъ башка еллардагыча быел да фестиваль кысаларында спорт һәм туристик чаралар, брейн-ринг, КВН, иҗади концертлар оештыру каралган. Татар яшьләренең "каймагы" тупланган әлеге фестивальдә безнең укучыларыбыз да сынатмас, "Саба – Сәләт” рейтингын югары тотарлар, дип ышанасы килә.