1990 елдан бирле республикада, пионерлар оешмасының дәвамчысы булып, Татарстан варислары берлеге эшләп килә. Сентябрь ае, мавыктыргыч  һәм  дә берсеннән  берсе  катлаулы   дәресләр  уку белән беррәттән, төрле кызыклы  чараларда катнашып, сизелми дә үтеп китә. Ә аның иң күңеллесе, 15 нче сентябрь - Татарстан Варислары берлегенең туган көнедер, мөгаен. Районыбыз мәктәпләрендә әлеге көнне ел да бик күңелле итеп үткәрү гадәте саклана.

Әлеге бәйрәм быел мәктәпләрдә 15-19  нчы сентябрь көннәрендә билгеләп үтеләчәк. Гадәттәгечә, бу көнне мәктәпләрдә иртәдән үк бәйрәм рухы сизелеп тора. Варислар бүлмәсеннән талгын гына варисларның яраткан көйләре агыла. Кызыллы-зәңгәрле галстуклар дулкыны заллар буйлап агыла. Эзтабарларга Татарстан, варисларга Россия галстуклары тантаналы рәвештә тактырыла.

Бу чараның максаты: укучыларны эзтабарлар һәм варислар сафына кабул итү, аларны намуслы, кыю, тырыш булырга, законнарны белергә һәм һәрвакыт төгәл үтәргә өндәү булып тора.

Алдагы уку елында барлык укытучыларга, эзтабар һәм варисларга белем өлкәсендә, иҗатта зурдан- зур уңышлар, алга куйган максатларны төгәл үтәп, район һәм республика күләмендә үткәрелүче чараларда актив катнашырга язсын.