Сәләт, сәлкеш, әйдаман... Бу сүзләр белән бүген "Кояшкай" лагерендагы Сәләт сменасы балалары танышты. Сәгать иртәнге тугыз, йөрәкләр тибеше башка көндәгедән аерылып тора. Менә беренче бала ишекне ачты да, аның күзендәге очкын әйдаманнарга күчте. Сәлкешләрне каршы алып бүлмәләргә урнаштырганнан соң, квест уены уйналды. Сәлкешләр һәрберсе әйдаман кулыннан футболка алды. Кичке чара булып әйдаманнардан үзләре төшергән видеоязма күрсәтелде. Төркемнәр үзләре белән таныштыру өчен, плакатлар,сөрәннәр ярдәмендә үзләрен тәкъдим иттеләр. Сәгать телләре 10га бара башлагач сәлкешләр шәмчекләргә таралды. Һәрбер бала үз фикерен әйтте. Менә беренче көн шулай яхшы кәеф белән үтеп китте.