Хөрмәтле хезмәттәшебез Халисә Хабибулловна!

Сезне чын күңелдән олы юбилеегыз белән котлыйбыз! Бу дөньяда иң кыйммәтле нәрсә – кеше гомере. Әле яңа гына мин яшим дип дөньяга аваз саласың, кай арада инде аккан судай гомер үзенең олылыгын дистәләгән еллар белән билгели. Кечкенә чакта һәр туган көнне шатлык-сөенечләр белән көтеп аласың, тизрәк үсәсе, зур буласы килә. Ә еллар узган саен адәм баласы үзенең туган көннәрен сабыррак каршы ала башлый. Артка борылып карасак, узган гомер юллары, истәлекләре күз алдына килә. Узган еллар, үтелгән юллар заяга узмаганлыгы, гомер көзләренә кергәндә җимешләр инде өлгергәнме – менә шуларны әкрен генә барлый башлыйсың. Сезнең менә шундый матур чорыгыз!

Хөрмәтле Халисә Хабибулловна!

Шушы күркәм мизгелләрдә яшәү дәфтәрегезгә озын, тыныч гомер язылсын, бүгенге ихлас теләкләр барысы да кабул булсыннар. Хезмәттәшләр күңелендә сиңа, Бары хөрмәт, рәхмәт хисләре; Гомереңнең зая узмаганын Әйтеп тора матур эшләрең. Туар һәркөн ишеттерсен сиңа, Яхшы хәбәрләр генә. Яныңда булсын һәрвакыт Үзең кебекләр генә! Гаилә бәхетенә куанып, Тату яшәргә язсын. Теләгең мөмкинлек белән Бергә үрелеп барсын! Сезнең еллар – гомерегез китабы. Һәрбер бите – язмыш язганы. Үкенерлек түгел үткәннәре, Имин булса иде калганы! Ихтирам белән: ХЕЗМӘТТӘШЛӘРЕҢ