16 нчы сентябрь көнне Байлар Сабасының “Олимп” стадионында мәгариф хезмәткәрләренең җәйге Спартакиадасы булып үтте. Ярышны район мәгариф идарәсе җитәкчесе И.Ф.Шакиров ачып җибәрде һәм һәр катнашучыга уңышлар теләде. Иң беренче булып стартка мәктәп директорлары бастылар. Хатын-кызлар 500, ир-егетләр 1000 метр ераклыкка йөгерделәр.  Директорлардан соң командалар үз көчләрен йөгерү,озынлыкка сикерү,гер күтәрү,кул көрәше,канат тарту төрләрендә сынадылар.Нәтиҗәдә, Сәләтле балалар өчен аерым предметлар тирәнтен өйрәнелә торган урта гомуми белем бирү мәктәп-интернаты өченче, Явлаштау урта мәктәбе икенче урынны яуладылар.Саба гимназиясе командасы беренчелеккә ия булды һәм күчмә кубокны өченче  ел рәттән үзендә калдырды.Ярышны ябу тантанасында мәгариф идарәсе җитәесе урынбасары Г.И.Шафикова җиңүчеләргә грамота, акчалата бүләк һәм спорт җиһазлары алу мөмкинлеге бирүче сертификат тапшырды.