15 нче май көнне Татарстан Республикасы Президенты Р.Н.Миннеханов кушуы буенча, Универсиаданың дәрәҗәсен арттыру, кызыксындыру максатыннан, республиканың барлык гомумбелем бирү мәктәпләрендә Универсиаданың бердәм көне үткәрелде. Шуңа бәйле рәвештә, Саба муниципаль районында Универсиада дәресләре, гаиләләр катнашында спорт ярышы үтте. Районның барлык 23 мәктәбендә алып барылган чаралар бай эчтәлекле, нәтиҗәле һәм оешкан төстә барды. Татарстан Республикасы Мәгариф һәм фән министрлыгының тәрбия эшләре һәм өстәмә белем бирү бүлеге белгече Ж.В.Соркина, Универсиадага волонтерлар әзерләү буенча тренер Н.Шалдымов Кильдебәк урта мәктәбендә Универсиада дәресен, шулай ук гаиләләр катнашында үткән ярышларны карап, бәяләп үттеләр. Уздырылган бәйгеләр укучыларда һәм кунакларда уңай тәэсир калдырды.