Саба аграр көллияте студентларының сыналыр вакыты җитте.  “Язның бер көне елны туйдыра” – дигән ата-бабаларыбыз. Хуҗалыкларда кызу эш көннәре бара.      Безнең көллиятебездән дә Саба, Теләче, Кукмара, Балтач  районнары хуҗалыкларында 170кә  якын студент язгы кыр эшләрендә катнаша. Аларның һәрберсе оешма, хуҗалыклар белән килешү төзеп эшкә урнаштылар. Студентларыбызнын 10сы чылбырлы тракторны, 83е көпчәкле тракторны шуларның икесе New Holland тракторын, 15е Камаз машинасын иярлиячәкләр.

Ә калган студентларыбыз чәчү агрегатларында һәм авыл хуҗалыгы белгечләренең ярдәмчеләре булып эшлиячәкләр.