Буген "Саба дулкыннары" телерадиокомпаниясе хезмәткәрләре Саба аграр көллиятендә кунакта булды. Яңа һәм иркен актлар залында җанлы әңгәмә белән үрелеп барган әлеге очрашу укытучыларда һәм студентларда уңай тәэсирләр калдырды. Әлфия Галимҗан кызы җитәкчелегендә килгән радио хезмәткәрләре үзләренең чыгышында журналистика серләре хакында бәян иттеләр, диктор буларак сөйләүнең асылына төшендерделәр. Очрашу концерт номерлары белән үрелеп барды. Киләчәктә тагын да шушындый кичәләр кабатлансын иде дигән теләетә кунаклар белән саубуллаштык.