Турнирны ачу вакытында район башкарма комитеты җитәкчесе Таһир Шәрәфиев батыр көрәшченең узган гомере хәзерге буын өчен чыннан да үрнәк булуы, аның мисалында күпме көрәшчеләр тәрбияләнүе турында сөйләде. Бәйгегә районыбыз мәктәпләреннән 1997-2001 нче елгы яшүсмерләр җыелды. 40тан артык көрәшче 36 кг.нан 70 кг.га кадәр һәм аннан да югары үлчәү авырлыкларында призлы урыннар өчен бил алышты. Келәмдә чын мәгънәсендә киеренке көрәш булды. Әйтергә кирәк, Түбән Шытсу урта мәктәбе укучылары бик уңышлы чыгыш ясадылар: үз авырлыкларында Низамиев Д. - III, Шавалиев И. - I, Шарифуллин Ф. - II, Хуснуллин Р. - II, Давлетшин И. - III, Гилемханов Ф. - I, Давлетшин Н. - I, Гимадиев И. - III урынга лаек булдылар. Тамашачылар исә бер-берсенә лаек спортчыларның гадел һәм матур алымнарын күреп сөенделәр.