21 январьдан - 25 январьга кадәр төньяк җәнлекләре, кешеләр тормышы белән таныштыру атналыгы үтте. Йомгаклау чарасы итеп балалар төньякка сәяхәткә бардылар (презентация карадылар).

Янгын вакытында үз-үзеңне тоту кагыйдәләрен искә төшерү һәм ныгыту, янгын сүндерү чаралары белән таныштыру максатыннан бакчабызда өйрәнүләр оештырылды. Балалар киенеп, тиз генә куркыныч булмаган урынга йөгереп чыктылар. Бакча хезмәткәрләре тарафыннан куркынычсызлык кагыйдәләре искә төшерелде һәм төгәл үтәлде.

Чаңгычының чаңгысы

Шуа-шуа шомара.

Чаңгың шомарсын дисәң,

Кирәк ешрак шуарга.

Кечкенә генә булсак та

Без гөлләрне беләбез.

Апабыз өйрәтеп торса

Тузанын да сөртәбез.

Биек-биек тау битендә

Чана шуып уйныйбыз.

Ярышабыз-узышабыз

Матур җырлар җырлыйбыз.

Тау башына менәбез дә

Җил уйнатып төшәбез.

Кошлар сыман бер-бер артлы

Түбән таба очабыз.

Бүген бакчада искечә яңа ел бәйрәме билгеләп үтелде. Балалар чыршы тирәсендә төрле уеннар уйнадылар, җырлар җырладылар.

Бераз гына моңсу да,

Ник икәнен мин беләм.

Хушлашабыз чөнки без

Бүген иске ел белән.

Бүген балалар белән мәдәният йортында мәдәният хезмәткәрләре тарафыннан  үткәрелгән искечә яңа ел кичәсендә катнаштык. Бәйрәм бик күңелле үтте. Балалар уеннарда катнаштылар, кыш бабайга шигырьләр сөйләделәр, җырладылар.

Ничек рәхәт урамда

Чана-чаңгы шуганда.

Рәхәтләнеп көләбез

Чыныгабыз без анда.