Көн лагерьга килү, укучыларны барлау, линейка үткәрү белән башланып китте. Рапорт тапшырганнан соң, зарядка үткәрдек. Калган вакытта хәрәкәтле, туплы уеннар уйнадык.

Иртәнге ашны ашарга ашханәгә чакырдылар. Ашаганнан соң "рәхмәт" әйтеп, "ял бүлмәсенә" кердек. "Минем бабам сугышта булган" темасына рәсем һәм хикәя конкурсы үткәрдек. Һәр бала үзенең бабасының сугышта булган хатирәләре турында сөйләде, язды һәм күзаллап, рәсемен ясады.

Аннары, автобус килгәч, Сабага сәяхәткә киттек. Саба үзәк китапханәсенә һәм музейга кердек.

Китапханә балалар күңеленә зурлыгы, матурлыгы һәм байлыгы белән кереп калыр.

Көндезге ашны вакытында әдәпле генә утырып ашадык. Өстәл чисталыгы бәяләнде.

"Тәгәри китте йомгагым" дигән күңелле чара үткәрелде. Балалар үзләре белгән әкиятләрен сөйләделәр, табышмакларга җаваплар таптылар, мәкаль һәм мәсәлләр укыдылар, яттан шигырьләр сөйләделәр.