Менә лагерыбыз тагын бер кояшлы иртәне каршылады. Көндәгечә, балаларны иртәнге линейкага җыйдык. Һәр отряд өлкән вожатыйга рапорт тапшырды. Гимнастик күнегүләр башкарылды.

Аннан соң бердәм рәвештә иртәнге ашка кузгалдык. Бүген әле Боз Сараена барабыз. Инструктаж белән таныштык.

Без бүген “Кызыклы математика”да кунакта булдык. Тәҗрибәле математика укытучысы Сәүнәрия апа күңелле һәм кирәкле мисаллар эшләтте. 1 минут дәвамында мамыкны һавада очыртып йөртергә кушты. Ай – яй, читен икән!

Ниһаять, автобус! Тезелешеп кереп утырдык. Асфальт юлдан Лесхозга кузгалдык. Нинди матур безнең Саба яклары! Ак болытлар бездән алда йөгерә кебек.

Менә Боз Сарае! Шудык рәхәтләнеп. Музыка уйнап тора, һич кенә дә боздан чыгасы килми.

Кабат лагерьга кайттык. Төшке ашны сагынганбыз. Бик тәмле булды! Бүгенге көн истә калыр. Безгә шундый көн бүләк иткәннәре өчен вожатый апаларыбызга ( Баһавиева М.С., Шәрифуллина Г.Т., Ибраһимова С.М., Ситдикова Р.Р.) бик зур рәхмәт!