Иртәбез көндәгечә балаларны барлаудан башланып китте. Спортзалда линейкага тезелү, һәр отрядның рапорт бирүе, аннан соң иртәнге зарядка – барысы да төгәл үтте. “Исәнмесез!”, “Саубулыгыз!” дигән тыныч уен оештырылды.

   8.30-9.15 – иртәнге аш вакыты. Ризыклар җитәрлек һәм сыйфатлы итеп әзерләнгән иде. Әдәпле ашау кагыйдәләре искәртелде.

   Аштан соң “Болында дару үләннәре”дигән файдалы чара оештырылды. Балалар төз тәпичә (лапчатка прямостоячая), гади меңьяфрак (тысячелистник обыкновенный), наратбаш (хвоә полевой) үләннәренең шифасы хакында мәгълумат алдылар. Үзләре белгәнне сөйләделәр, рәсемнәр ясадылар.

    Гәрәева Сәрия Солтановна “Шәфкатьлелек бизи кешене” дигән тәрбия сәгате уздырды. Өлкәннәргә - кечеләргә карата мәрхәмәтлелек хисе тәрбияләнде.