Лагерьның өченче көне. Иртәбез зарядкадан башланып китте. Программа нигезендә күңелле чаралар, бәйгеләр дәвам итә. Инглиз теле укытучысы Хафизов Р.К.  “Уолт Дисней маҗаралары” дип аталган уен үткәрде. Уен-ярышта укучылар бик актив катнаштылар.

  Спорт уеннары белән беррәттән, зирәклекне, җитезлекне сыный торган ярышлар да үткәрелә.  “Табышмаклар бәйгесе”, “Логик мәсьәләләр чишү” - укучыларның яраткан шөгыльләре.

   Бүген лагерьга йөрүчеләр “Алабуга электр челтәре” филиалы эшчеләре белән очраштылар. Кунаклар табышмаклар, сораулар аша балаларның белемнәрен тикшерделәр, электр куркынычсызлыгы кагыйдәләрен аңлаттылар.Укучылар биргән сорауларга да җавап бирделәр. Хәтта махсус форманы   балалар киеп тә карадылар. Соңыннан истәлеккә фотога төштеләр.

   Безнең иминлегебезне кайгыртучы хезмәткәрләргә эшләрендә уңышлар телибез һәм рәхмәтебезне җиткерәбез.

document.write('')