Лагерьның 2 нче көне. Чишмәле ял итү урынына сәяхәт. Табигый материаллардан эшләнмәләр ясау. Тәкыя үрү. 

Сагындырып көткән җәйге каникуллар җитте. Без быелгы җәйдә күрше мәктәптә ял итәбез. Югары Симет урта мәктәбе базасында җәйге лагерьның 1 нче көне. Яңа танышлар, дуслар таптык. Вожатый апалар бик җылы каршы алды. 

Пионериягә 100 ел! 31 нче Май көнне ямьле Бөрә буенда Пионерия слеты булды. Ветеран вожатыйлар, яшь варислар, педагог - организаторлар, тәрбия эшләре буенча директорлар урынбасарлары катнашында бәйрәм бик җанлы үтте. Иҗат үзәге коллективына зур рәхмәт! 

30 нчы Май көнне ямьле аланда укучылар өчен кече Сабантуй бәйрәме булды. Алдынгы укучылар бүләкләнде, ярыш төрләрендә һәр укучы актив катнашты. 

2021- 2022 нче уку елы олимпиада  нәтиҗәләре  буенча Мичән төп мәктәбе 3 нче урын яулады. Барлык коллектив тырышлыгы белән яуланган җиңүебез.  

Ел укытучысы бәйгесендә безнең музыка укытучысы Хадиева Гөлгенә Наиловна - җиңүче булды! Котлыйбыз! 

Мәктәбебездә уңышлы эшләп килүче "Судомоделирование" түгәрәгендә шөгыльләнүче 6 нчы сыйныф укучылары Ситдиков Салават, Ашаров Рузал район күләмендә үтүче Иҗат фестивалендә күргәзмәдә катнашалар. 

Татарстанда Цифрлаштыру елы кысаларында, педагогларга ярдәм йөзеннән, Татарстан Президенты Миннеханов Р.Н. башлангычы белән республика мәктәпләрендә ноутбукны яңарту буенча моңарчы күрелмәгән үзенчәлекле программа гамәлгә ашырыла. Элеге программа нигезендә Ак Барс Банкы республика мәктәпләренә 12 мең ноутбук бүләк итте, шуларның 287 се - Саба районы педагогларына. Безнең мәктәпкә - 9 ы бирелде. Зур рәхмәтлебез!

Бүген мәктәпләрдә 9 нчы сыйныфлар өчен "Соңгы кыңгырау" бәйрәмнәре үтә. Безнең укучылар Байназарова Маликә һәм Нигамәтҗанова Адилә. Бәйрәмнәр белән котлыйбыз! Имтиханнарда уңышлар телибез. 

Әскәров Илзәр, Яруллина Язгөл, Мөбәрәков Илназ - 4 нче сыйныфны уңышлы тәмамлап, 5 нче сыйныфка әзерләнәләр.