"Эрудитлар алга" 7 - 8 класс укучылары арасында математик КВН. Укучылар ике командага бүленеп, зиһенлектә көч сынаштылар. 

Мәктәп планы нигезендә, гыйнвар аенда Төгәл фәннәр методик берләшмәсе айлыгы башланып китте. 9.01.23- 14.01.23 - Математика фәненә багышлана, 16.01.23 - 21.01.23 - Физика һәм информатика фәне атнасы, 23.01.23 - 28.01.23 - Химия, биология, география фәннәре атнасы булачак. 

Бүген башлангыч сыйныф укучылары тауга чана шуарга бардылар. Һава торышы бик шәп, балалар рәхәтләнеп шудылар, Бөтен җирләре ап - ак булса да кәефләре күтәренке булды. Башка көндә дә чыгарга сөйләшеп, өйләренә таралдылар. 

Музей һәм "Оста куллар" түгәрәгенә йөрүче 2 - 3 нче сыйныф укучылары Сабада экскурсиядә булдылар. Саба китапханәсе куйган әкияти тамаша карадылар, уеннарда катнашып бүләкләр алдылар. 

8 нче сыйныф укучылары химиядән өстәмә шөгыльдә. 

Иске Мичән авылында яшәүче Максудов Раил Роберт улы һәр яңа елда укучылар өчен "Күчтәнәч янчыгы" конкурсы оештыра. Җиңүчеләр билгеләнә, катнашучы һәр укучыга да бүләкләр өләшә. Рәхмәт Сезгә, игелекле эшегез өчен. 

29 нчы декабрь көненә 1- 6 нчы сыйныф укучылары өчен Кыш бабай һәм Кар кызы килде. Уку алдынгыларын котлады һәм истәлекле бүләкләр өләште. Һәр укучы үзенен яраткан Кыш бабаена матур җырлар, шигырьләр сөйләде. 

Сезнең балагыз  белемле укучы буларак,  фән нигезләрен тирәнтен үзләштереп, олимпиадаларда лаеклы көндәшләрен җиңеп, югары нәтиҗәләргә иреште.

Бала күңелен ак кәгазьгә тиңлиләр. Менә шушы кәгазьдә ни язасың, нинди эзләр калдырасын, бала шулай үсә, камилләшә. Иң беренче рольне бу эштә гаилә үти. Гаиләдә бала алган тәрбия аны гомере буена озатып килә. Белем бирү оешмасы һәм гаилә безнең җәмгыятьтә ике төп социаль институт. Баланы укыту һәм тәрбияләү процессының эффектлыгы аларның килешеп эшләүләреннән тора. Районыбызда һәрдаим  бәйге, очрашу, кичәләр үткәрелә, әти-әниләр дә бу чаралардан читтә калмый. Сез дә балагызда белемнәрне үзләштерүгә теләк, омтылыш уяткансыз, моның өчен кирәкле шартлар тудыргансыз. Киләчәктә дә актив тормыш позициясендә калыгыз, яңа җиңүләр, җәмгыять тормышында матур уңышлар насыйп булсын. Балаларыгыз һәрдаим шатландырып торырлар һәм ныклы  таяныч булырлар дип ышанам.

Гаиләгезгә тынычлык, йортыгызга иминлек, куанычларга бай гомер юлы, бәхет телим!

Мәктәп директоры: Закиров Д.Р. 

28 нче декабрь кичендә 7 - 9 нчы сыйныф укучылары өчен "Хуш киләсең, Яңа ел!" тамашасы булды. Уку алдынгылары, олимпиада җиңүчеләре сәхнәдә бүләкләнде. Укучылар 2 команда булып, КВН да катнаштылар, нәтиҗәдә дуслык җиңде. 

8 нче сыйныф укучыларына Кыш бабай, Кар кызы һәм Куян яңа ел бүләкләрен тараттылар. Һәр гаилә аларны җылы итеп кабул итте. Рәхмәт, Кыш бабай яңа ел рухын кабызып җибәрден.