Син, Яңа ел, инде безгә

Матурлык кына китер.

Ныгысын дуслык , татулык

Иман бир балаларга. 

Саулык - сәламәтлек китер

Озак - озак елларга.

Йөгереп чыктык урамга

Кар атышып уйнадык

И уйнадык, и уйнадык

Тик барыбер туймадык.

Әйдә, - диде шунда кемдер

Кар бабай ясыйк бергә!

Вил чапты кишер алырга

Нил йөгерде күмергә.

Саф һавага чыгып,

Таудан чана шуып,

Кышның салкыннарын

Җибәрәбез, куып.

Әнием күз нурым

Кадерлем син минем

Иң олы, иң изге

Бәгърем син минем.

Барлык әти - әниләргә дә 2015 елның 1 нче гыйварына бакчага йөргән балага взнос бәясе арту буенча җыелыш уздырылды.Һәркемгә аңлатылды, компенсация өлеше кире кайтарылу буенча сөйләшү эшләре алып барылды. Түләү тәртибе түбәдәгечә:1) 1,5 - 3 яшькәчә түләү - 2395 (379 - туклану өлеше), 2) 3 - 7 яшькәчә түләү - 2510 (490 - туклану өлеше) арткан бәя белән.

Бөтен кешелек дөньясына ямь бирүче, акыллы фикерләре белән безгә юл күрсәтүче дәү әниләребез,кадерле әбиләребезне өлкәннәр көне уңаеннан, бәйрәм кичәсенә чакырдык.Безнең балалар үзләрненең яратуларын шигырьләр ,җырлар, биюләр аша җиткерделәр.Күңел җылысы  биреп ясаган бүләкләрен әбиләренә тапшырдылар.Бәйрәм белән сезне хөрмәтле өлкәннәребез! 

Шакмаклардан өй салабыз

Тырышып барыбыз да:

Рәхәтләнеп яшәсеннәр

Курчак дусларыбыз да.

Бакчабызда мөселманнарыбызның иң изге бәйрәмнәренең берсе булган Корбан гаетенә багышланган әңгәмә оештырылды. Балаларга бәйрәм турында тулырак мәгълүмат бирү өчен бакчабызга Рамил абый Халиковны чакырдык. Ул Корбан гаетенең башлангыч тарихын, бәйрәмнең ничек үтүе турында бик эчтәлекле хикәяләр сөйләде. Балалар үзләрен кызыксындырган сорауларны бирделәр. Соңыннан балалар Корбан ашы белән авыз иттеләр. Корбан гаете мөбәрәк булсын!