Кыш җиттеме – кошлар өчен

Без ашханә ачабыз:

җимлекләр ясап эләбез,

Кошларны ашатабыз.

Кошларны танып белүне, аларны саклау һәм яклауны максат итеп бик күп әңгәмәләр үткәрдек.Иң күңеллесе, әтиләребез ясаган җимлекләрдән кошлар ашату булды. Зарипов Әдел белән Нуруллин Раушанның  җимлекләре бигрәк матур иде.

Атна ахырында тикшеренү эшләре алып барырга да өлгердек.Карның тирәнлеген үлчәдек.Балалар карның алдагы көндә юеш икәненә игътибар иттеләр. Үзләренчә нәтиҗәләр чыгардылар.

Чыктык әле урамга,

Киттек таудан шуарга.

Бу атнабыз "Ак ефәктәй" кыш килде дип башланып киттте.Кыш турында җырлар, шигырьләр өйрәнүдән башладык.Балалар тизрәк урамга ашкындылар.Рәхәтләнеп саф һава суладык.Карбабай ясадык.

Бакчабызда әниләр көне уңаеннан "Әнием күз нурым" дигән исем астында бәйрәм кичәсе уздырылды. Кичәбез уеннар,җырлар, шигырьләр, биюләр белән аралашып барды.Бакчада тәбияләнүче балалар һәм әниләр татар халык уены "Капкалы " ны бик яратып уйнадылар. Кичәбезгә ямьгә өстәп Карлсон кунакка килде.Ул балалаларга кызыклы уеннар тәкъдим итте.Балалар белән берлектә "Буги-­Вуги" биюен биеделәр. Кичәбез ахырында балалар әниләренә, күңел җылысын биреп ясаган бүләкләрен тапшырдылар.Әниләр олы рәхмәтләрен җиткерделәр.Кичә күмәк бию белән тәмамланды.