Әти-әниләр ярдәме белән бакчабыз ишегалдына матур сыннар ясап куелды. Кар сыннары ясауда булышкан барлык әти-әниләргә зур рәхмәтебезне белдерәбез.

Бүген балалар төзү шөгылендә чыршы уенчыгы ясарга өйрәнделәр. Башта алар якынлашып килүче бәйрәм турында әңгәмә кордылар. Аннан чыршы бизәү өчен нинди уенчыклар кулланып булуы турында әйтеп бирделәр. Уенчыкларны үз кулларың белән дә ясап булуына төшенделәр. Ясаган уенчык менә шундый килеп чыкты.

Бүген зурлар төркеме балалары "Ак ефәктән кыш килде" дип аталган рәсем күргәзмәсе ясадылар. Бу атна темасы буенча йомгаклау чарасы буларак билгеләнгән иде. Һәр бала  кышкы матурлыкны әнә шулай тасвирлап күрсәтте.

“Янгын сүндерү станциясе” хезмәткәрләре белән очрашулар балалар күңеленә бигрәк тә нык тәэсир итә. 

 7 декабрь көнне бакчабызга Лесхоз бистәсендәге Дәүләт казна учреждениесе  “Янгын сүндерү бүлеге” хезмәткәрләре Миннеһадиев Рүзәл,Вәлиев Алмаз һәм Шакиров Марсельләр балалар белән очрашуга килделәр. Алар бәйрәм вакытында, электр приборлары, бенгаль утлары белән сак булырга  кирәклеге турында сөйләделәр. Янгын чыга калса 01 яки 112 номерына шалтыратырга куштылар.  Балалар бакчабыздагы пожар куркынычсызлыгы почмагының һәр эш коралы ни өчен кулланылуы турында да белделәр. Алар үзләре белән махсус киемнәрен дә алып килгән иделәр. Нәниләребезгә аларны бу киемнән күрү, мәктәпкә әзерлек төркеменә йөрүче Миннеһадиев Илзатның ул киемнәрне киеп каравы очрашуның иң истә кала  торган өлеше булгандыр, мөгаен.

 Очрашу ахырында кунаклар балаларны якынлашып килүче Яңа ел бәйрәме белән котладылар,   кичәләрнең, озын  ялларның хәвеф-хәтәрсез үтүен теләделәр.

Менә бүгеннән бакчабызда чаңгы шуулар башланып китте. Балалар кышкы уеннарны бик сагынып көтеп алдылар. Алар башта чаңгы тагу күнекмәсен искә төшерделәр, аннан чаңгы шуганда куркынычсызлык кагыйдәләрен кабатлап үттеләр. Балалрга чаңгыда шуу рәхәт булды.

  Бүген зурлар төркеме балалары "Әниләр көне" хөрмәтенә "Түгәрәк" ("Колобок") әкиятен уйнап күрсәттеләр. Балалар чын артистлар шикелле, бик матур итеп уйнап чыгыш ясадылар. Әкиятнең эчтәлегеннән чыгып әти-әнине тыңларга кирәклеген, тыңламаган очракта авыр хәлгә калырга момкин икәнлеген аңлауларын әйттеләр. Матур җырлар җырладылар, шигырьләр сөйләделәр. Бәйрәм белән котлап балалар әниләренә үзләре ясаган бүләкләрен бирделәр.Бәйрәмгә әниләребездә кул эшләрен тәкъдим иттеләр. Уңган, булган, алтын куллы әниләребезнең кул эшләрен күреп сокландык.  Актив катнашкан әниләребезгә "Кулларыннан гөлләр тама" дип исемләнгән грамоталар тапшырылды.  

В средней группе прошёл праздник мам,дети сначало рассказали стишки  своим мамам на татарском и на русском языках,спели песенки,девочки протанцевали танец на песню мамины глаза.А самое интересное это  было побывать детишкам в ролях сказки "Три дочери",ребятам очень понравилось.В ходе сказки мальчики протанцевали танец грибов.А потом ребята подарили своим мамам открытки сделанные своими руками.

Бүген зурлар төркеме балалары бистә буйлап сәяхәт иттеләр. Алар урамнардагы юл билгеләрен карап исемнәрен әйттеләр. Боларны һәрвакыт үтәргә кирәклеге турында истә калдырырга тырыштылар. 

"ӘНИ" диеп язып куйдым

Яңа яуган ак карга.

-Таптамагыз, hич ярамый,

"Әни" сүзен таптарга!

Кечкенәләр төркемендә балалар Әниләр көнен билгеләп үттеләр.Кадерле Әниләрен җыр-биюләр белән сөендерделәр. Әниләр дә мавыктыргыч уеннарда үзара көч сынаштылар; уңганлыкларын күрсәттеләр.