2012 – 2013 нче уку елында Чыгарылыш сыйныф укучылары имтиханнарны югары баллларга  тапшыру һәм олимпиадалар нәтиҗәләре буенча безнең мәктәп республика күләмендә беренче урынга лаек булды. Мәктәбебез директоры Шамилов Илшат Мирдахметович республиканың “Иң  яхшы директорлары” исемлеге арасына керде. “Укытуда иң югары күрсәткеч” номинациясендә җиңү яулап район мәгариф идарәсе тарафыннан диплом һәм күчмә кубокка ия булды.  Мәктәбебезнең әлеге уңышлары “Мәгариф” журналы хезмәткәрләрен дә битараф калдырмаган. 13 нче февраль көнне әлеге журналның баш мөхәррире Илдар Миргалимов һәм аның урынбасары Радик Сабиров  безнең мәктәбебездә булып, әлеге уңышларыбызның  сере белән кызыксындылар. Шул максаттан укытучыларыбызның дәресләрендә булдылар, төрле түгәрәкләрдә шөгыльләнүче укучыларның чыгышларын карадылар.