Бүген Сабаның мәдәният йортында укытучылар көненә багышланган чара үтте. Укытучыларны муниципаль район башлыгы  Р.Н.Минниханов котлады. Мәгариф бүлеге җитәкчесе И.Ф.Шакиров та мөгаллимнәргә изге теләкләрен җиткерде. Бәйрәмнең беренче өлешендә укытучыларга РФ, РТ мәгариф һәм фән министрлыкларының, район башлыгының һәм мәгариф бүлегенең мактаулы исемнәре, грамоталары тапшырылса, икенче өлештә исә Г.Тукай исемендәге Әтнә Дәүләт Драма Театрының  "Саташкан күңел" спектакле укытучыларыбызга зур бүләк булды.