Рәшит Бәшәр “Намаз”

                        Бисмилләһи-рәхмәнир-рахим диеп кенә,

                        Намазлыгын идәнгә

                        Пөхтәләп җәеп кенә

                        Бабаем укый намазын.

                        Кәләпуш киеп кенә.

                        Тып-тын калган өй эче:

                        Сәгать келт-келт йөрми,

                        Самовар да гөрләми.

                        Мәчебез дә мырламый

                        Радио да җырламый,

                        Ишек алды да тыныч

                        Сыерлар мөгерәми,

                        Тавыклар кытакламый,

                        Үрдәкләр бакылдамый,

                        Казларда кагыйлдамый,

                        Хәтта Алабай өрми,

                        Бәрәннәр бәэлдәми,

                        Намаз вакыты икәнен.

                        Алар да белгән мени?