Берничә атна элек нәниләребез белән суган утырттык. Тәҗрибәнең төп максаты булып балаларда суган үстерү теләге тудыру, хезмәткә хөрмәт тәрбияләү, суганның файдалы яшелчә икәне турында төшенчә бирү тора иде. Балалар һәркөнне аны карап, су сибеп, ничек кыяк чыгарганын, ул яшел кыякларның үскәнен күзәтеп тордылар. Кечкенә бакчачылар кызыксынып, бу эшне бик теләп, яратып башкардылар. Яллардан килгәч суган кыяклары тагын да озынаеп киткәнен күрделәр балалар.