Чишмәләр—су һәм гүзәллек чыганагы да, җан тынычлыгы бирүче ял урыны да, экология дә, табигать һәйкәлләре дә алар.Челтер-челтер аккан чишмәләр кемнәрне генә сокландырмый да, кемнәрне генә сихерләми икән?! Һәр чишмәнең үз тарихы, үз моңы, үз юлы бар. Халкыбыз да элек - электән, чишмә - күлләрне чистартып, күз карасыдай кадерләп торган. 18 август көнне Курсабаш авылы китапханәчесе белән берлектә, "Ямьле Саба " проекты кысаларында "Авылым чишмәләре " дигән экологик - экскурсия оештырдык. Әлеге чара барышында балалар Курсабаш авылы тарихы белән таныштылар. Чишмәләрнең олы әһәмиятен, кеше өчен нигә кирәк булуын белделәр.