Сөенгәндә -әни кирәк, 

Әни кирәк йокларга.

Әни кирәк, бишек бавын,

Ычкындырмый тотарга!

Елаганда -әни кирәк, 

Юатырга бәбиен,

Һәрвакыт син миңа кирәк,

Исән булсын ӘНИЕМ!!!

Бүген без бакчабызда зур кунакларны кабул иттек. Юл йөрү кагыйдәләрен өйрәнү темасын  үз эченә алган элеге бәйрәм уңышлы килеп чыкты. Әлеге теманы пропагандалаучы Закиров Д.Д. абыебыз безгә истәлекле бүләкләр алып килде, юлда, төрле очракта үз-үзеңне тотарга өйрәтте, юл билгеләренең төрлелеге турында әңгәмә оештырды. Кечкенәләр төркеменә дә бу чара бик ошады, чөнки инспектор абыйлары алып килгән  "Аркадий Паровозов" мультфильмы аларның күңелендә шатлык хисләре уятты.

Бүген халкыбызның бөек шагыйре Муса Җәлилнен туган көне. Илебезне явыз дошманнардан саклау өчен гомерен дә җәлләмәгән батырыбызга багышлап "Мәңгелек дан, сиңа, Муса Җәлил!" дип исемләнгән чара уздырдык. Авыл китапханәчесе Фәридә апа Нафикова безнең бакчага килеп әдипнең әсәрләрен укыды, китаплары белән балаларны таныштырды. Бакчабызда М.Җәлилгә багышланган күргәмә, аның әсәрләре буенча ясалган рәсемнәр күргәзмәсе оештырылды, "Кызыл ромашка" әсәрен сәхнәләштерелде.

Гыйнвар аенда тәрбиячеләр мәктәпкә кереп дәрес караган булсалар, февральдә исә, укытучылар балалар бакчасында ачык дәресләр карадылар. Безнең математика шөгылендә смешарик дустыбыз Крошка ничек ярдәм иткәнне, аларга явыз Убырлы нинди биремнәр калдырганын укытучы апаларыбыз Альфира апа һәм Гөлфирә апабыз күзәтеп тордылар. Балалар үзләрен  актив тоттылар, биремнәрне үтәп, серле сандыкны таптылар.