Бүген безнең мәктәбебездә әниләр көне уңаеннан "Җиргә яктылыкны,илгә матурлыкны, сез бирәсез газиз әниләр!"  концерт- ярминкә  булып узды. Мәктәп хезмәткәрләре  кунакларга дип  татлы табынын  әзерләргә ашыксалар, ә балалар иртүк матур күлмәкләрен киеп  әниләренең килүләрен түземсезлек белән көттеләр. Аларның бүген әниләренә,дәү әниләренә,әтиләренә бик күп яңалыклары бар иде. Чөнки күпләре ярминкәгә дип матур-матур кул эшләрен куйды, кадерлеләренә бүләкләр әзерләделәр. Ярминкәдә төрледән-төрле кул эшләре сатылды, ә сәхнәдә балалар үзләрен чын артистлар кебек хис иттеләр, җырладылар- биеделәр. Бәйрәм бик эчтәлекле һәм онытылмаслык булып узды. Әти-әниләр мәктәп коллективына үзләренең чиксез рәхмәтләрен белдерде.