Бүген мәктәбебез балаларның шатлыклы авазларыннан, елмаюларыннан балкыды. Менә күптән көткән бәйрәмебез - Яңа ел да җитте. Укучыларыбыз бу бәйрәмгә ныклап әзерләнделәр: җырлар, биюләр, шигырьләр өйрәнделәр. Матур-матур рәсемнәр, стенгазеталар ясадылар, мәктәпне, сыйныф бүлмәләрен уенчыклар белән бизәделәр, мәктәп алдын кар сыннарыннан әкият дөньясына әверелдерделәр. Яңа Кәҗә елы барыбызга да бәхет-шатлыклар, сәламәтлек, уңышлар алып килсен. Бәйрәм белән сезне!