Шәмәрдән "Яшьлек"спорт сараенда, инвалидлар ункөнлеге уңаеннан уздырылган теннис ярышында безнең мәктәп укучылары уңышлы чыгыш ясадылар. Кызлар арасыннан 2 урынга 8 класстан Нигмәтҗанова Алсу,3 урынга 6 класстан Галиева Зәринә ия булдылар. Егетләр арасыннан 8 класс укучысы  2 урынга Шаманов Нияз, 3 урынга  5 класс укучысы Тимергалиев Рәсим лаек дип табылды. Җиңүчеләребезне уңышлары белән котлыйбыз.

Кызыл Мишә авылы балалар бакчасына йөрүчеләр тырышлыгы белән әзерләнгән "Әни була бер генә,кадерләрен бел генә!" әкият тамашаны безнең мәктәп укучылары бик ошатып карадылар.

Инвалидлар ункөнлеге уңаеннан  тәрбиячеләр Мингазова Г.М., һәм  Давлетшина А.Х. "Изгелек җирдән атлый!" исеме астында тәрбия сәгате уздырдылар. Балаларга башта презентация күрсәтелде,әңгәмә уздырылды,соңыннан тема буенча рәсем ясадылар.

Район мәгариф бүлеге белгечләре тарафыннан оештырылган мәктәпкүләм  шашка  ярышында укучылар актив катнашты. Егетләр арасында 1 урынга  7 сыйныфтан  Закиров Айрат,2 урынга 6 сыйныфтан  Муффазалов Рөстәм, 3 урынга   7 сыйныфтан Усманов Рим лаек дип табылдылар. Кызлар арасында 1 урынны 9 сыйныфтан  Гаффанова Айгөл,2 урынны 6 сыйныфтан  Галиева Заринә,3 урынны 7 сыйныфтан Габадинова Миләүшә алды. Җиңүчеләр һәм ярышта катнашучылар  дипломнар һәм истәлекле бүләкләр белән буләкләнделәр.

Район мәгариф белгече Ләйсән Тәлгатовна уздырган мастер класс балаларның кече моторикасын  үстерүгә юнәлтелгән иде. Ул балаларга сок таякчыкларыннан гөмбә ясарга өйрәтте.Соңыннан укучылар белән берлектә уеннар оештырылды.

Бүген  социаль  яклау  үзәге хезмәткәрләре  безнең мәктәп укучыларына "Изгелек юлыннан" дигән темага  тренинг-уен оештырдылар.

Район күләмендә оештырылган хәйрия концертында безнең мәктәп укучылары бию,җыр һәм күргәзмә белән катнаштылар. Балалар татар эстрадасы артистлары һәм бәйрәмгә килгән яшьтәшләре белән якыннан танышып аралаштылар,фотога төштеләр.

Бүген безнең мәктәп укучылары Кызыл Мишә авылы мәдәният йортында оештырылган хәйрия концертын карадылар.

Безнең мәктәптә инвалидлар декадасы уңаеннан күп төрле чаралар уздыру каралган. Бүген тәрбиячеләр "Без төрле,ләкин без бергә!" исеме астында уен программасы оештырдылар.Балалар тәрбиячеләр әзерләгән барлык уеннарда да яратып катнаштылар.

Инвалидлар декадасы уңаеннан район күләмендә уздырылган "Шашка-64" ярышында безнең мәктәп укучылары актив катнашып,уңышлар белән кайттылар. 6 сыйныф укучысы Галиева Зәринә-3 урынга,7 сыйныфтан Закиров Айрат-4 урынга, 6 сыйныфтан Муффазалов Рөстәм-5 урынга лаек дип табылдылар.