Бүген, 8 нче сентябрь көнне, сәгать 18:30 га чакырып, бакчабызда әти-әниләр җыелышын уздырдык. Беренче көн тәртибе буенча бакча мөдире Муратова Э.Ш. 2016/2017 нче уку елына отчет ясады, эшләнелгән эшләр, ирешелгән уңышлар турында сөйләде һәм 2017/2018 нче уку елына куелган максат, бурычлар белән таныштырды. Икенче көн тәртибе буенча, сүз Эзмә ФАП мөдире Шәйхетдинова Гөлназ Шәмсетдиновнага бирелде. Ул үз чыгышында грипп авыруы, аның белән көрәшү чаралары, гриппка каршы прививканы ясатырга кирәклеге турында чыгыш ясады. Әти-әниләрнең сорауларына тулы итеп  җаваплар бирде. Өченче көн тәртибе буенча төрле мәсьәләләр каралды. Әти-әниләр комитетының председателе итеп Мифтахова Нәркиз Хазинуровна бертавыштан сайлап куелды. Җыелыш зурлар төркеменә йөрүче балаларның әти-әниләре белән дәвам ителеп, ел барышында шөгыльләрдә кулланырга кирәк булган канцтовар әйберләре, китап-дәфтәрләр турында фикер алыштылар.

Зурлар төркеменә йөрүче балалар тәрбияче апалары белән төрле әйберләр ясарга яраталар. Буген алар төрле төймәләрдән бизәп, күбәләкләр ясадылар.

 Бакчабызда буген күркәм бәйрәмнәрнең берсен -Корбан ашы үткәрдек. Ашка Эзмә авылы хәзрәте Илҗнур абый чакырылды. Ул балаларга тәрбияви киңәшләрен бирде, Корбан гаета турында сөйләде һәм бергәләшеп матур теләкләр теләдек. Әлеге чараны оештыруда катнашкан барлык кешеләргә дә: җитәкчеләребезгә, итне алып кайтырга булышкан мәктәп директорыбыз Айнур Нургалиевичка да, хәзрәтебез Илнур абыйга да, пешерүче һәм тәрбияче апаларга да бик рәхмәтлебез!

Зурлар төркеменә йөрүче балалар бакчабызда үскән суган уңышын җыйдылар. Барлыгы 22 кг суган җыеп алынды.

Күңелле шул бакчабызда! Рәхәтләнеп урамда төрле уеннар, ярышлар үткәрелә. Көннәрнең үткәне сизелми дә.

 Спорт уеннары һәм төрле ярышларны, яңгыр яву сәбәпле,  уен бүлмәсендә булса да үткәрдек. Сәламәт тәндә - сәламәт акыл!

Балалар төрле рәсемнәрне иң элек ясадылар, шуларны буяп кистеләр. Ахырдан бергәләшеп ябыштырдылар.

Бергә эшләгән эшләрнең нәтиҗәсе!