"SabaBalaHoner" проекты кысаларында безнең балалар бакчасы балалары "Ак Барс" банк, район Финанс-бюджет палатасы оешмаларында булып, кассир-операционист, контролёр, бухгалтер, инкассатор
һөнәрләре белән таныштылар.

Театр – могҗизалы дөнья. Бүген 27 март - Халыкара театр көне!
Шул уңайдан безнең балалар бакчасында,Эзмә урта мәктәбе “Балачак” балалар театр коллективы (Җитәкчесе: Җиһаншина Н.С. ). А.Алишның "Сер тотмас үрдәк" әкиятен яңача вариантта сәхнәләштерде. Балалар һәркайсы үз ролен оста башкарулары белән аерылып тордылар.Сәнгатьле сөйләм формалаштырганда бала өчен иң әйбәт чара булып театральләштергән эшчәнлек тора.
"Сер тотмас үрдәк " әкияте тамашачыларны бер-берсе белән дус булырга, өлкәннәр сүзенә игътибарлы булырга, ярдәмләшеп яшәргә өйрәтте. Нәрсә ул сер? Сер саклау ни өчен кирәк?Аны сакламау куркынычмы? Бу сорауларга бергәләп җавап эзләдек.
Театр балаларның сәләтләрен ача, эмоциональ яктан әзерли, үз-үзләренә ышанычын уята, халык алдында чыгыш ясау күнекмәләрен үзләштерергә ярдәм итә. Театр юнәлеше буенча бакчабызда системалаштырылган эш алып бару нәтиҗәсендә безнең балаларыбызда да әлеге сыйфатлар тәрбияләнә. Укучыларны һәм аларны әзерләгән педагогларга зур рәхмәтебезне белдерәбез,алга таба да зур уңышлар теләп калабыз.

Бакчабызда, Раян һәм Рәсүл Рахимуллиннарның әниләре, Энҗе Тәбрис кызы балалар белән бергә суган утырту тәҗрибәсен үткәрде.Тәҗрибәнең төп максаты балаларда суган үстерү теләге тудыру,хезмәткә хөрмәт тәрбияләү;суганның файдалы яшелчә икәне турында төшенчә бирү, суган үстерү турында белемнәрне тулыландыру иде. Балалар суганның файдалы үзлекләре турында кызыклы, файдалы мәгълүмат алдылар. Балалар савытка балчык салып,суганнар утырттылар су сиптеләр. Балаларга осталык дәресе бик ошады.

Без сезнең белән зур, матур илдә яшибез. Бөтен җир шары терроризм дигән зур афәт белән көрәшә. Кечкенәләр төркемендә "Дөньялар имин булсын" дигән темага әңгәмә үткәрелде. Әңгәмәнең максаты: терроризмның асылын, аның төрләрен һәм максатларын аңлату; балаларның терроризм, террорчылык актлары турында белемнәрен камилләштерү. Әңгәмә барышында балалар кечкенә генә презентация, рәсемнәр карадылар. Яхшыны яманнан аерырга, нәрсә ярый ярамый, үзеңне ничек тотарга кирәклегенә төшенделәр.

Балаларыбызны кечкенәдән хезмәткә өйрәтү максатыннан Гайнетдинова Динә, Инзиләләрнең әниләре "Тылсымлы энәләр" дигән мастер-класс үткәрде. Балаларга куркынычсыз энәләр ярдәмендә матурлык тудырырга, төрле сүрәтләр ясарга өйрәтте. Балаларда бу эш алымына кызыксыну уянды. Чигү- балаларга игътибарлылык,эстетик зәвык,хезмәт культурасы, балаларның хәрәкәт координациясен тәрбияләүдә мөһим роль уйный.