Тәрбияче апаларыбызны чын күәелдән һөнәри бәйрәмнәре белән котлыйбыз! Тәрбияче хезмәте - авыр һәм фидакарь хезмәт. Ул даими рәвештә һөнәри яктан камилләшү, көч-энергия һәм бик зур сабырлык сорый. Һөнәри бурычыгызга тугъры калуыгыз һәм балаларга күрсәткән игътибарыгыз өчен рәхмәт. Көчегез төкәнмәвен, эшләү дәрте сүрелмәвен, балалар белән үзара аңлашу һәм һөнәрегезгә тугрылык телибез. Һәрвакытта һәм һәркайда уңышлар юлдаш булсын!

Сездәдер ул йөрәкләрнең иң олысы,

Сездәдер ул кулларның иң җылысы,

Һәр көн сезгә ничә сабый карап тора,

Алар сезне әниседәй якын күрә.

Еласалар - сез аларны юатасыз,

Боексалар - сез аларны уйнатасыз,

Сөйләшәсез күңелләрен аңлап кына,

Орышасыз кайчагында җайлап кына.

Үз улыңдай, үз кызыңдай якын күреп,

Үстерәсез ничә буын балаларны

Киткән чакта бакча белән саубуллашып,

Елый - елый озатасыз сез аларны.

Кирәк чакта җитез дә сез, тапкыр да сез,

Кирәк чакта сабыр да сез, батыр да сез.

Бик җаваплы, авыр сезнең хезмәтегез дә,

Тиешенчә күрсәгез иде хөрмәтен дә.