Икмәк кешенең тормышы, сәламәтлеге һәм иминлеге символы. Без аның белән көн саен очрашабыз. Икмәктән башка иртәнге аш та, көндәлек төшке аш та, бәйрәм өстәле дә булмый. Мәктәпкә хәзерлек төркемендә "Икмәк бөтен нәрсәгә баш" дигән әңгәмә узды. Максаты балаларга икмәкнең кешеләр өчен нинди әһәмияткә ия булуын, өстәлдә икмәк булсын өчен күпме төрле һөнәрләр эшләвен сөйләү иде. Балалар икмәкнең басудан өстәлгә кадәр нинди озын юл үтүен белделәр; икмәк җитештерүдә мәшгуль кешеләрнең һөнәрләре турында күзәттеләр; икмәкнең көндәлек азык- төлек булуы турындагы фикерләрне ныгыттылар, икмәк белән эш итү кагыйдәләрен искә төшерделәр.