Бакчабызда бөек шагыйребез Габдулла Тукай иҗатына карата тирәнтен игътибар бирелә. Бу  уңайдан  атналык темага нигезләнеп  шагыйребезнең туган көнендә “Габдулла Тукай син безнең күңелләрдә” дип исемләнгән иҗади кичә  булып үтте. Бу кичәдә балалар даһи шагыйрьнең мәңгелек шигырьләрен  яттан сөйләделәр,аның  авыр язмышлы тормыш юлын өйрәнделәр һәм кызыклы викторина сорауларына җаваплар эзләделәр.Бу матур бәйрәмдә  җырланган , халкыбызның гимнына әйләнгән “Туган тел” җыры да күңелләрдә милләтебез белән горурлану, балалар күңелендә кабатланмас, бөек шагыйребез иҗатына карата кызыксыну хисләре уятты. Кичәбезнең икеннче өлешендә зурлар төркеме балалары  Г.Тукайның “Кәҗә белән Сарык”әкиятенә нигезләнеп заманчалаштырылган”Кәҗә белән Сарык маҗаралары” дип исемләнгән әкиятне сәхнәләштереп күрсәттеләр. Әкият геройлары Кәҗә белән Сарыкның изге эшләр эшләп йөрү нәтиҗәсендә аларның сәяхәтенеңдә үзләренә   яхшылык булып   кире кайтуын аңладылар.