Китапка битарафлык- заман проблемасы. Бу проблеманы чишү юллары педагоглар, китапханә хезмәткәрләренең төп бурычы. Яшь буында китапка карата мәхаббәт тәрбияләү үзе бер осталык сорый. Бу уңайдан "Сабам минем - нурлы, гүзәл бишегем", - дип исемләнгән йомгаклау кичәбезгә килеп кергән кызыклы әкият геройлары бәйрәмебезне тагында ямьләндерде, балаларыбыз яратып кабул итте. Әкият иленнән килгән китапханәче апаларыбыз балаларны тылсымлы әкият дөньясына-китаплар иленә чакырдылар. Китапларны кадерләргә, бары тик чиста куллар белән генә тотарга яравын, ничек дөрес итеп китап битләрен ачу белү серләренә төшенделәр. Ә инде безнең балалар килгән кунакларны, туган төбәгебезгә багышланган матур җырлары, шигырьләре белән сөендерделәр.