Балалар белән эшчәнлек  бары тик уен формасында оештырылды.Икенче кечкенәләрдә  иҗади сәнгать  эшчәнлеге белән музыка бергә үрелеп барса, уртанчыларда  матур әдәбияттан “Кыңгырау чәчәк”  әсәрен  курчак театры итеп сәхнәләштерүдән    урман аланына сәяхәт иттеләр.Ә зурлар төркемендә  презентация “Рәссам Шишкинның  рәсем галериясында “ булдылар һәм үзләре дә нәни рәссамнар булып урман агачларын  гуашь ярдәмендә сүрәтләделәр. Рус теленнән УМК белән эшләү алымының уңай һәм  проблемалы  яклары  күрсәтелде. Физик тәрбия  белем бирү өлкәсендә балалар  “Урман аланына сәяхәт иткәндә”   “Теремкәй” әкиятендә булдылар, такталардан/гимнастик таяклар/  өй төзеделәр, сулыш гимнастикасы , киеренкелекне бетерү күнегүләре ясадылар,  тар басмада /гимнастик скамейка/ гәүдәне төз  чыгарга  өйрәнделәр  һәм кечкенә тычканнарга әверелеп үрмәләүнең төрле алымнары белән шуыштылар, презентация аша урман белән таныштылар, куркынычсызлык очракларын искә  төшерделәр. Музыка җитәкчесе  музыка эшчәнлегендә балаларны музыканың сихри дөньясына  алып керде, урман тавышын тыңларга өйрәтте/ классик музыка аша/.Мәктәпкә әзерлек төркеме балалары “математик урманны” өйрәнделәр, кул хезмәте аша урманны җанландырдылар.

Яшь тәрбиячеләр  үзләренә  эшчәнлектә кулланырлык мәгълүмат алулары турында  фикерләрен  җиткереп  таралыштылар.