"Туган тел көне" уңаеннан «ОНИКС» белем бирү үзәгендә матур чара узды. Бу көн безнең өчен бигрәк тә кадерле, чөнки ул безнең ана теленә, милли хәзинәбезгә багышланган. Укучыларыбыз үзләренең туган телләренә булган мәхәббәтләрен белдерделәр. Алар күңелләргә үтеп керерлек шигырьләр сөйләделәр, моңлы итеп җырлар башкардылар, һәм, әлбәттә, туган телнең бөеклегенә мактау сүзләре әйттеләр. Һәрбер чыгыш, һәрбер сүз туган телгә булган тирән хөрмәт һәм ярату хисе белән сугарылган иде.
     Телебезне зурлыйк, аны саклыйк! Туган тел – ул безнең милли үзаңның нигезе, тарихыбызның дәвамы. Аны белү, куллану һәм киләчәк буыннарга тапшыру – һәрберебезнең изге бурычы.