14 нче ноябрь көнне мәктәбебездә  Дөньякүләм белем тикшерү “Татарча диктант” акциясе булды.  Акция әдәби татар телен өйрәнү,  татар теленә кызыксынуны арттыруга, татар тел белгече һәм укытучысы профессияләрен популярлаштыруга юнәлтелгән. Чарада  245 кеше катнашты, шуларның 123  онлайн форматта язды. Диктант язу 4 аудиториядә барды. Иң өлкән катнашучылар: 7а нчы сыйныфы укучысы Сафин Исламның әбисе - Гөлфирә апа Исмәгыйлова (72 яшь) һәм Габдрахманова Илсинәнең әбисе -Рәмзия апа Галимова (71 яшь), 9 нчы сыйныф укучысы Галимҗанов Камилнең әбисе - Раилә апа Хуҗина (70 яшь) Шулай ук  6 б сыйныфы уучысы Байтурина Зәлинәнең әбисе  - Мөслимә апа Байтурина (64 яшь), 3 а сыйныфы укучысы Хәсәнов Радмирның әбисе - Хәния апа Мөбәрәкшиналарның да (65 яшь)  акциядә катнашулары безне бик сөендерде.    Иң яшь катнашучылар арасыннан 7 нче сыйныф укучылары зур игътибарга лаек.
     Әлеге акциядә катнашкан кунакларга, әти-әниләргә, әби-бабайларга, укытучыларга, укучыларга зур рәхмәтебезне җиткерәбез. Туган телебездә аралашыйк, аны саклыйк, яклыйк, киләчәк буынга тапшырыйк.