Бүген Саба урта мәктәбе базасында укучыларда журналист  һөнәренә кызыксыну , татар басма әдәбиятына, татар теленә  мәхәбәт уяту максатыннан 100 еллык тарихы булган, яшүсмерләр өчен нәшер ителүче “Ялкын” журналының хәзерге  яңа командасы белән ялкынлы очрашу булып үтте.
     Очрашуга  журналның баш мөхәррире Энҗе Алмаз кызы Габдуллина, баш мөхәррир урынбасары  Зилә Нәгыйм кызы Дәрҗеманова, әдәби мөхәррире  Әдилә Рифат кызы Закирова, веб–мөхәррир Ләлә Рамил кызы Кәримова килгән иде. Әлеге чарада безнең мәктәпнең 7 нче сыйныф укучылары катнашты. Очрашу кысаларында “Оста Саба” район чемпионатының  “Басма журналистика» компетенциясенең йомгаклау этабы үтте. Анда безнең мәктәпнең 9 сыйныф укучысы Нуруллина Назлыгөл  дә катнашып,  үзенең көчен сынады. Алар 30 минут эчендә бирелгән темага  мәгълүмат яздылар. Очрашу ахырында әлеге бәйгегә нәтиҗә ясалып, җиңүчеләр бүләкләнде. Катнашучыларга сертификатлар ташырылды. Бәйрәм матур җырлар, дәртле биюләр белән үрелеп барды. Әлеге очрашу укучылар күңелендә матур, җылы  истәле булып озак сакланыр дигән фикердә калабыз.