11 нче октябрь көнне мәктәбебездә «Белем бирүнең төрле баскычларында туган тел һәм әдәбиятны укытуда дәвамчанлык» дип исемләнгән татар теле һәм әдәбияты укытучыларының районкүләм семинары үтте. Семинар гамәли юнәлештә һәм ачык дәресләр, кызыклы мастер-классларга бай булды. Мәктәбебезнең 4 нче сыйныфы белән “Исем сүз төркеме” темасына туган тел (укытучысы - Мирзагаләмова Диләрә Фарил  кызы ) һәм 6 нчы сыйныфы белән “Ф.Яруллин “Сез иң гүзәл кеше икәнсез” шигыренә нигезләнеп әдәбият дәресләре (укытучысы Шәмсетдинова Ләйсән Тимергали кызы) күрсәтелде. Көннең икенче яртысында мәктәбебезнең фәнни консультаты педагогик фәннәр докторы Мәскәү шәһәренең психологик-социаль университеты профессоры Вячеслав Михайлович Букатовның алымнарына таянып социаль уен эшчәнлеге нигезендә дәрес оештыру буенча мастер-класс һәм “Әдәбият дәресләрендә эш битләрен төзү һәм куллану” буенча практикум һ.б. эш төрләре тәкъдим ителде. Укытучылар ял вакытында “Каюм Насыйри-татар дөньясының якты йолдызы”, үзуен (укытучы - Кәримова Илфия Фариз кызы) да уйнап белемнәрен сынадылар.