Бүген 25 нче март көнне мәктәбебезнең 7, 8 нче сыйныф укучылары Миңгәр авылында урнашкан шәхси «Затчы» заманча сәнгать һәм татар традицион һөнәрләре музей — остаханәсендә кунакта булып кайттылар. Музейны оештыручылар  — бертуганнар Габидуллина Раушания Фирдәвес кызы, Камалов Фәйзерахман Гафур улы - рәссам, скульптур һөнәрләрен ничек үзләштерергә, осталыкларны ничек камилләштерергә, серләренә ничек төшенергә — барысын да бәйнә-бәйнә аңлаттылар. Үзләренең хезмәт җимешләре һәм башка рәссамнарның кул эшләре  — картиналары, кызыл балчыктан ясалган савыт-сабалар эшләнмәләре белән таныштырдылар, һәрберсенең тарихын сөйләделәр. Музейда Казан ханбикәсе Сөембикәгә, аның улы Үтәмешгәрәйгә, Миңгәр авылы табигатенә багышланган картиналар укучылар күңеленә аеруча да хуш килде.  Әлеге музей-остаханәнең киләчәккә планнары зурдан, һәм без үз чиратыбызда аларга иҗади уңышлар телибез.