30 ноябрь көнне Саба урта мәктәбендә Республикакүләм әти-әниләр комитетлары арасында игълан ителгән "Тату сыйныф серләре" бәйгесенең район этабы булып узды. Мәктәбебез данын, укучылар һәм сыйныф җитәкчесе Ләйсән Сәүбән кызы белән берлектә, 8 сыйныф әти-әниләр комитеты  яклап "Иң бердәм сыйныф" исеменә лаек булды. Шулай ук әлеге сыйныфтан Шәрифуллиннар гаиләсе "Иҗади гаилә" номинациясендә катнашып үзләренең иң сәләтле гаилә булуларын исбатладылар. Әлеге бәйгедә катнашкан һәр әти-әнигә, укучыларга, сыйныф җитәкчесенә, команданы әзерләргә ярдәм иткән мөгаллимнәргә чиксез рәхмәтебезне җиткерәбез. Алга таба да шулай бердәм булып калыйк. Сәламәтлек, гаилә бәхете, уңышлар теләп калабыз.