21 нче ноябрь көнне «Театр яктылыкка, нурга илтә» дип исемләнгән факультатив курс кысаларында 8-10 нчы сыйныф укучылары районыбыз мәдәният йортына кунакка килүче Кәрим Тинчурин исемендәге татар дәүләт драма һәм комедия театры сәхнәләштергән Салават Әбүзәровның «Хыялый» спектаклен карадылар. Спектакль укучыларны дулкынландыргыч һәм шул ук вакытта көлкеле вакыйгаларның оста бирелеше белән җәлеп итте. Бу маҗаралар безне һәм тамашачыларыбызны да хыял дөньясында йөзәргә, тормышыбызны кадерләргә, ә иң мөһиме, аны сөю хисләреннән үрергә өйрәтте.  Бу матур тарих көтелмәгән финалга китереп чыгарды һәм беркемне дә битараф калдырмады. Хыял кошына күңелдә һәрчак урын табыла!!!