26 октябрь көнне Ш.Биктимеров исемендәге Саба район мәдәният йортында “Ш.Биктимеров исемендәге 2 республикакүләм балалар театр сәнгате фестивале”нең финал этабы үткәрелде.  Әлеге конкурста, сайлап алу этабын уңышлы үтеп,  безнең Сәләтле балалар мәктәбенең 1 нче сыйныф укучылары да катнаштылар. Алар “Рамай маҗаралары” дип исемләнгән спектакльне сәхнәләштерделәр. Әле кечкенә генә булсалар да, алар үзләренә куелган зур җаваплылыкны аңлап, лаеклы чыгыш ясадылар: һәр герой үзенең ролен җиренә җиткереп башкарырыга тырышты. Жюри комиссиясе дә безнең чыгышыбызны яратып кабул итте һәм кечкенәләр төркемендә (1 – 4 класс) безнең укучылар 2 УРЫН алдылар. Коллектив Диплом һәм акчалата бүләк белән бүләкләнде. Әлеге спектакльне сәхнәләштерүдә хезмәт куйган түбәндәге педагогларга олы рәхмәтебезне белдерәбез: сыйныф җитәкчеләре Д.А.Сулайманова – С.Ш.Котдусова, Д.Р.Хаҗиева – Г.Д.Мәҗитова,Рәсим Тәснимович, Айгөл Шаһинуровна.