Туган тел! Барыбыз өчен дә газиз, кадерле бу сүз. “ И туган тел, и матур тел – әткәм - әнкәмнең теле!” – дип әйткән безнең   бөек шагыйребез Тукай. Б арлык илләрдә дә 21 февраль - туган тел көне буларак билгеләп үтелә. Каян килеп чыккан соң бу бәйрәм? 1999 елның ноябрендә ЮНЕСКО туган телгә игътибар бирү турында мәсьәлә күтәреп чыга. Шуннан соң дөньяда, телләрнең әһәмиятен күрсәтү һәм ана теленә сак караш тәрбияләү максатыннан, 21 февраль - бөтендөнья туган тел көне буларак билгеләп үтелә башлый. Әлеге көн уңаеннан мәктәбебездә   зур бәйрәм кичәсе үтте. Бәйрәм чарасы татар халык җырлары, шигырьләре, гармун моңнары белән үрелеп барды.  Укучылар татар теле һәм әдәбиятыбыз буенча әзерләнгән сорауларга җавап биреп, белемнәрен сынадылар.  Татар теленең гимны булган “Туган тел” җырын бергәләшеп җырлап бәйрәмебезне тәмамладык.