Бүген Саба аграр көллияте бинасында иң яхшы   укучылар өчен район башлыгының чыршы бәйрәме үткәрелде.   Әлеге чара бик күтәренке рухта узды. Чара мастер-класслар белән башланып китте. Районның иң яхшы өстәмә белем бирү педагоглары укучыларны төрле чыршы уенчыклары, Яңа ел декорацияләре ясарга өйрәттеләр. Район башлыгы Рәис Нургали улының   котлавыннан соң чара Балалар   иҗат үзәге хезмәткәрләренең   матур чыгышы белән дәвам итте. Яшь, танылган җырчы Илшат Сафин концерты укучыларга аеруча ошады. Шушындый матур чараны оештыручыларга чиксез рәхмәтебезне җиткерәбез һәм яңа 2023 ел белән тәбрик итәбез!