Мәктәбебездә укучыларның сөйләм культурасын, иҗади сәләтен үстерү, туган телгә карата мәхәббәт тәрбияләү максатыннан "Күңелле сәхнә" театр түгәрәге эшләп килә (җит.Ганиева Ә.И.) Бүген әлеге түгәрәккә йөрүчеләр башлангыч сыйныф укучыларына А.Алишның "Куян кызы" әкияте буенча сәхнәләштерелгән "Урман әкияте"н тәкъдим иттеләр.  Сәламәт яшәү рәвеше, дөрес туклануны пропагандалаган әлеге әсәр тамашачы тарафыннан җылы кабул ителде. Ә без, үз чиратыбызда, яшь артистларыбызга уңышлар теләп калабыз.