Театр - ул һәрвакыт табышмак, көтелмәгән хәлләр, могҗизалар… Сәхнәдә кечкенә генә булса да, роль уйнарга теләмәгән кеше юктыр. Уйлап карасак, тормышта да без, билгесез режиссер язган пьесада, үзебезнең рольләрне башкарабыз бит. Укучылар өчен театр - ул эмоциональ-эстетик тәрбия чарасы да. Театральләштерелгән эшчәнлек укучылар  тормышына төрлелек кертә, аңа сәнгатькә кагылудан шатлык бүләк итә.
     Мәктәбебезнең «Мизгел» яшьләр театры районыбызда ел саен үткәрелеп килүче республикакүләм  Шәүкәт Биктимеров исемендәге театр сәнгате бәйгесендә актив катнаша, җиңүләр яулый. Быел әлеге бәйгегә Туфан Миңнуллинның «Әлдермештән Әлмәндәр» комедиясеннән өзек сәхнәләштерәчәкләр. Без аларга һәм җитәкчеләре Ганиева Әнисә Илгиз кызына, Шәмсетдинова Ләйсән Тимергали кызына уңышлар һәм җиңүләр телибез.