Бүгенге көн, гадәттәгечә, иртәнге зарядка белән башланып китте. Тәмле иртәнге аштан соң район китапханәсенә сәяхәт ясалды. Анда укучыларны китапханәчеләр якты йөз белән каршы алып, бик эчтәлекле һәм файдалы чара оештыртылар. "Табигать - безнең йортыбыз" уенында укучылар ике командага бүленеп көч сынаштылар. Шулай ук әлеге чарада Экология һәм табигый байлыклар министрлыгының Төньяк территориаль идарәсе начальнигы Касыймов Ленар Әдһәм улы, 1 категорияле белгече Зәйнуллина Ләйсән һәм ТР экология һәм табигать ресурслары министрлыгы өлкән белгече Билалов Ришат Мидехәт улы да катнашты. Шушындый файдалы очрашуны оештыручыларга чиксез рәхмәтебезне җиткерәбез. 
     Көн кызыклы чаралар бн дәвам итте. Мәктәп психологы Габдулманова Д.В. белән очрашу да укучыларга бик ошады. "Күңелле стартлар" , "КВН" уеннарында да алар бик теләп катнаштылар. Лагерьның бишенче көне менә шундый чараларга бай булып, укучылар күңелендә озак сакланыр дигән теләктә калабыз.