5 октябрь - Укытучылар көне! Хөрмәтле укытучылар! Әлеге күркәм бәйрәм көнендә йөрәктән чыккан иң изге теләкләрне, иң җылы хисләрне кабул итегез! Һөнәрегезгә һәрчак тугъры булуыгыз, күңел сафлыгыгыз һәм тырышлыгыгыз өчен зур рәхмәт сезгә! Барыгызга да исәнлек-саулык, күңел күтәренкелеге, зур уңышлар, бетмәс-төкәнмәс энергия, эшегездә яңа үрләр яулавыгызны телибез! Сезнең һәр дәресегез укучыларны яңа белемнәргә, фәнни ачышларга этәрсен! Тормыш сезгә һәм укучыларыгызга бары тик “бишле” билгеләре генә куйсын!
      Сәләтле балалар мәктәбендә иртәдән үк бәйрәм рухы сизелеп торды. 6нчы сыйныф укучылары тарафыннан әзерләнгән концерт һәр тамашачы тарафыннан җылы кабул ителеп, күңелләрне тагын да күтәреп җибәрде. Әлеге чараны әзерләүдә катнашкан һәркемгә чиксез рәхмәтебезне җиткерәбез.