Бүген 1 июнь мәктәбебездә укучылар өчен  икеләтә бәйрәм булды: балаларны яклау көне һәм  «ИнтелЛето» җәйге сәламәтләндерү лагере үз эшен башлап җибәрде. Башлангыч сыйныф укучылары лагерьны көтеп алдылар.  Укучыларыбыз көнне Россия Федерациясе һәм Татарстан Республикасы флагларын күтәреп, гимн җырлау белән башлады. Балаларны яклау көне уңаеннан «Россия —  мөмкинлекләр иле» темасына тәрбия сәгате һәм Саба муниципаль районының бала хокуклары буенча вәкаләтле вәкиле Ногуманова Алина Икрам кызы җитәкчелегендә  «Сәламәт яшәү рәвеше» дип исемләнгән  тренинг  үтте. Һәр отряд үзенең стенгазетасын иҗат итте, исем, девиз уйлап тапты. Көннең икенче яртысында саф һавада уеннар, җырлар, биюләр белән лагерьның ачылышы һәр баланы рухландырды.